Þjónusta Foreldrahússins

VERA

VERA er heildstætt langtíma meðferðaúrræði. VERA er bæði fyrir börn og unglinga, börn með tilfinninga- og hegðunarvanda, en líka fyrir unglinga í fikti og neyslu. Hægt er að koma beint af götunni án tilvísana, þá ríkir nafnleynd fyrir þá sem eru í úrræðinu.

Tímalengd úrræðisins er 3 til 12 mánuðir allt eftir þörfum hvers og eins. Unnið er jafnt með unglingi og foreldrum. Foreldrar og unglingur mæta reglulega í viðtöl yfir tímann.

Ef foreldrar koma beint til okkar greiða þau fyrir meðferðina og er þá jafnframt nafnleynd. Þegar um samstarf við barnavernd og félagsþjónustu Reykjavíkur er að ræða, koma foreldrar og unglingur með tilvísun og er þá þjónustan styrkt af Reykjavíkurborg. Þá er jafnframt skráð um skjólstæðinga sem og foreldrar skrifa undir upplýst samþykki um samstarf á milli Foreldrahúss og barnaverndar og félagsþjónustu Reykjavíkur.

• Verð fyrsta mánuðinn er kr. 260.000.- miðað við þrjú viðtöl á viku.
• Annan mánuðinn er kr. 176.000.- tvö viðtöl á viku.
• Þriðja mánuð kr. 134.000, vikuleg viðtöl við barn, tvö viðtöl við foreldra.

Áfengis- og vímuefnaráðgjöf

Viðtal hjá áfengis- og vímuefnaráðgjafa við bæði foreldra og unglinga vegna fikts og neyslu. Foreldrar eru mikilvægur hlekkur í forvörnum og reynast vera þeir sem mest áhrif hafa á velferð barna sinna, einkum þegar reynir á. Vímuefnaráðgjöfin styður við foreldra og leitast við að styðja þá og styrkja. Í ráðgjöfinni er leitast við að styðja og styrkja foreldra í foreldrahlutverkinu á erfiðum tíma.

 Viðtal 60 mín frá 01.02.2024 kostar: 20.000 kr.

Sálfræðiráðgjöf

Boðið er upp á sálfræðiráðgjöf fyrir unglinga í vanda og fjölskyldur þeirra. Meðal þess vanda sem unnið er með er kvíði, vanlíðan, depurð, samskiptavandi, hegðunarvandi og áhættuhegðun.

 Viðtal 60 mín kostar: 20.000 kr.

Fjölskylduráðgjöf

Í fjölskylduráðgjöfinni starfa fjölskylduráðgjafar. Aðaláhersla þeirra er samskiptavandi, hegðunarerfiðleikar, áhættuhegðun, pararáðgjöf, skilnaðarráðgjöf.

Viðtal 60 mín kostar: 20.000 kr.

Námskeið fyrir foreldra

I Örnámskeið er fyrir foreldra sem eiga unglinga í fikti og neyslu, námskeiðið er þrjú skipti, fræðsla, ráð og listmeðferð. 

Rúna Ágústsdóttir áfengis-og vímuefnaráðgjafi og Birna Matthíasdóttir listmeðferðafræðingur eru með umsjón. 

Þriggja vikna námskeið (3 skipti).

Námskeiðið er á laugardagsmorgnum frá kl. 10.00-13.00.

Verð pr. einstakling: 50.000 kr.
Verð f. par/hjón: 70.000 kr.

II Sjálfstyrking fyrir foreldra. Markmið námskeiðsins er að valdefla foreldra og styðja þá í uppeldishlutverkinu. Námskeiðið er fyrir foreldra sem eiga börn og unglinga með samskiptavanda og þá sem vilja styrkja sig í uppeldishlutverkinu. Á námskeiðinu er unnið út frá “solution focused therapy”. 

Berglind Gunnarsdóttir Strandberg cand. Í uppeldissálfræði er með umsjón.

Námskeiðið Sjálfstyrking fyrir foreldra er 6 vikna námskeið

(6 skipti). 

Námskeiðið er á miðvikudögum frá kl.19.30-21.30

Næsta námskeið Sjálfstyrking foreldra fer fram 15.2.2024-20.3.2024.

Verð pr. einstakling: 60.000 kr.
Verð f. par/hjón: 90.000 kr.

Tilfinningalæsi og seigla fyrir leik- og grunnskólakennara

50.000.- fyrir einstakling (3 skipti)

Aðeins komast 8 á námskeið í einu

Listmeðferð

Myndræn tjáning getur veitt innsýn inn í tilfinningalíf einstaklingsins sem talað mál megnar oft ekki að gera.

Listmeðferð er fyrir alla börn, unglinga og fullorðna.

Listmeðferð 10 tímar: 190.000 kr.

Fræðsla fyrir fagfólk og foreldra

I Fræðsla fyrir fagfólk og foreldra grunn-og framhaldsskólanema, vegna áhættuhegðunar, fikts og neyslu –  2 tímar hvert skipti – Verð: 120.000 kr.

II Fræðsla fyrir fagfólk og foreldra grunnskóla um skólabrag – 1 tími í senn – Verð: 120.000 kr.

III Tilfinningalæsi og seigla 3 skipti, tveir tímar í senn – Verð: 80.000 kr.

Sáttamiðlun

Í Foreldrahúsi bjóðum við upp á sáttamiðlun í fjölskyldumálum. Í sáttamiðlun er leitað lausnar á ágreiningi þar sem aðilar taka sjálfviljugir þátt. Sáttamiðlun er skipulagt og mótað ferli þar sem óháður og hlutlaus aðili (sáttamiðlari) greiðir leið fyrir deiluaðila að komast sjálfir að samkomulagi um lausn ágreinings. Sáttamiðlarar Foreldrahúss hafa lokið námi í sáttamiðlun og eru aðilar að fagdeild Sáttar, félags um sáttamiðlun.

Sáttamiðlun á vel við í forsjár- og umgengnismálum, skilnaðarmálum og öðrum ágreining sem kann að koma upp innan fjölskyldna.

 Viðtal 60 mín kostar: 20.000 kr.

Pistlar, podcast, myndskeið

Efni kemur síðar

Viðtal 60 mín kostar: 18.000 kr.